Dr. Zulfiqar Behan

”اڄ يا ڪڏهن به نه“ تحرير؛ ڊاڪٽر ذوالفقاربھڻ ✨ تعارف زندگيءَ ۾ سڀ کان وڏي سچائي اها آهي ته اسان وٽ صرف ”اڄ“ آهي۔ ڪالهه گذري ويو، ۽ سڀاڻي جو ڪو به يقين ناهي۔ اڄ ئي اهو لمحو آهي جنهن ۾ اسان فيصلو ڪري سگهون ٿا ته ڇا ڪرڻو آهي، ڪهڙي طرف وڌڻو آهي، ۽ ڪهڙي زندگي گذارڻي آهي۔ انسان جي وڏي غلطي اها آهي ته هو ڪو چوي ٿو: ”سڀاڻي ڪندس، وقت ايندو ته ڪندس، في الحال وسيلن جي کوٽ آهي۔“ اهڙي سوچ اسان کي پوئتي رکندي رهي ٿي، ۽ اسان جا خواب خواب ئي رهجي وڃن ٿا۔ هي ءَ تحرير اوھان کي ياد ڏياريند ي ته زندگيءَ ۾ ڪاميابي، خوشي ۽ تبديلي جو دروازو اڄ کان کلي ٿو، نه ڪي  سڀاڻي کان۔ سڀاڻيءَ جو ڀرم سڀاڻي جو وهم ” سڀاڻي“ هڪ اهڙو لفظ آهي جيڪو ماڻهن کي سڪون به ڏي ٿو ۽ ساڳئي وقت برباد به ڪري ٿو۔ ماڻهو پاڻ کي تسلي ڏين ٿا: ”سڀاڻي پڙهندس، سڀاڻي شروع ڪندس، سڀاڻي تبديلي آڻيندس۔“ پر جڏهن سڀاڻي اچي ٿو ته وري به اهو ئي وهم رهندو آهي۔ مثال هڪ شاگرد جيڪو امتحان جي تياريءَ لاءِ چوي ٿو: ”اڄ موڊ ناهي، سڀاڻي شروع ڪندس“، آخرڪار امتحان ۾ ناڪام ٿئي ٿو۔ هڪ ماڻهو جيڪو جسماني صحت لاءِ ورزش ملت...