نثار صديقي ھڪ رول ماڊل تعليمي انقلابي اڳوڻ مُون سي ڏِٺا ماءَ، جَنهِين ڏِٺو پِرِينِ کي،. اُنهين سَندي ڪاءَ، ڪَري نَه سَگهان ڳالهڙي. ڌرتي تان نثار ٿيڻ جا دعويدار ته گھڻا ٻڌا ۽ ڏٺا آھن پر ڌرتي واسين جي سينڌ سنوارڻ ، ماڻھن جا ڳوڙھا اگھڻ ۽ نوجوانن کي بين الاقوامي ڇيلينجن جي قابل بنائڻ لاءِ اپاءَ وٺڻ ۽ پاڻ کي قوم جي خدمت لاءِ وقف ڪرڻ وارا اڻ لڀ آھن. اھڙو وقت به اچي ويو آھي جو روزانو صبح جوجيئن ئي موبائيل کولجي ٿي ته ھڪ نئين دردناڪ خبر ملي رھي آھي . اڄ 22 جون 2020 جيڪر ائين کڻي چئجي ته سنڌ ھڪ سچي محسن، خدمتگار تعليمي اصلاحات جي انقلابي اڳوڻ سائين نثار صديقي کان محروم ٿي وئي.سندس وفات ھڪ قومي نقصان آھي.. 2014 ۾ آءُ ذوالفقار بھڻ ۽ سموري سنڌ جا ڪيئي تعليم کاتي جا آفيسر مينيجمينٽ جي ٽريننگ لاءِ 15 ڏينھن لاءِ IBA سکر پھتا سين ته نثار صديقي جي محنت کي ڏسي حيران ٿي وياسين. ھڪ رول ماڊل تعليمي انقلابي اڳوڻ طور پنھنجي پاڻ کي مڄائيندڙ نثار صديقي کي سنڌ جي جھرجھنگ ۾ رھندڙن مسڪينن ھارين ۽ مزدورن جون به دعائون آھن. جن جي اولاد کي ھڪ سٺي تعليم فراھم ڪرڻ لاءِ عملي قدم کنيا. اَڄُ
(Zulfiqar Behan) Teacher Educator